Bıyl Mańǵystaý oblysynda 238 shaqyrym jol jóndeledi
«Ekonomıkalyq ósim óńir ınfraqurylymyna da tikeleı baılanysty. Onyń ishinde avtomobıl joldary óńir ekonomıkasyna tyń serpin beretin mańyzdy sala. 2022 jyly avtomobıl joldarynyń jaǵdaıyn jaqsartý maqsatynda oblystyq jáne aýdandyq mańyzdaǵy joldarǵa bıýdjetten 7,1 mlrd teńge bólinip, 48 shaqyrym jolǵa asfalt tóseldi. Budan basqa, «Aýyl – el besigi» baǵdarlamasymen 1,5 mlrd teńge qarajat bólinip, jalpy uzyndyǵy 45 shaqyrymdy quraıtyn 8 aýyldyń ishki joldaryna qurylys jumystary júrgizildi», - dedi oblys basshysy Ortalyq kommýnıkatsııalar qyzmetindegi baspasóz máslıhatynda.
Onyń aıtýynsha, atqarylǵan jumystardyń nátıjesinde óńirdegi jergilikti mańyzdaǵy avtomobıl joldarynyń normatıvti jaǵdaıy 96 paıyzdy qurady. Atalǵan kórsetkish boıynsha oblys respýblıkada aldyńǵy qatarda tur.
«Bıyl 238 shaqyrymdy qamıtyn 13 jobany iske asyrý jumystary bastalady. Sonymen qatar, «Aýyl – el besigi» baǵdarlamasymen 8 aýyldyń ishki joldaryna qurylys jumystaryn júrgizý josparlanyp otyr. Osy jylda kózdelgen jumystardyń nátıjesimen jergilikti mańyzdaǵy avtomobıl joldarynyń jaqsy jáne qanaǵattanarlyq jaǵdaıdaǵy úlesin 97 paıyzǵa kóterý qamtamasyz etiletin bolady», - dedi Nurlan Noǵaev.