Bıyl mamyrda Qazaqstan eksporty rekordtyq kórsetkishke jetti

NUR-SULTAN. QazAqparat – Elimiz taýar eksporttaýdan rekordtyq kórsetkish ornatty, dep habarlaıdy QazAqparat QR Ulttyq ekonomıka mınıstrligine silteme jasap.

Vedomstvo jarııalaǵan málimetke sáıkes, 2022 jylǵy mamyrda Qazaqstannyń taýar eksporty 7,7 mlrd AQSh dollaryn qurady.

Mundaı aılyq eksport kólemi 2014 jylǵy aqpannan beri bolmaǵan. ($7,9 mlrd).

Munaı, metall jáne aýyl sharýashylyǵy ónimderiniń turaqty joǵary baǵasy Qazaqstanǵa 5 aı ishinde $34,2 mlrd eksporttyq paıda ákeldi.

Bul ótken jylǵy 5 aılyq kórsetkishten 59%-ǵa nemese $12,7 mlrd-qa artyq, dep habarlap otyr ERI sarapshylary.

Qazaqstannyń eksporttyq satylymy ósti:

Munaı - 91% nemese $9,6 mlrd

Ferroqorytpa - 61% nemese 529 mln

Mys katodtary - 25% nemese 318 mıllıon dollarǵa

Bıdaı - 61% nemese 322 mln

Ýran - 2,6 ese nemese $497 mln

Kúkirt - 3,3 ese nemese $238 mln.

Atalǵan taýarlar el eksportynyń 90% ósýin qamtamasyz etip, jıyntyǵynda $11,5 mıllıardtyq ósimdi kórsetti.

Un (+$135 mln), kúkirt (+$238 mln) jáne suıytylǵan gaz (+$94 mln) eksporty kóleminiń óskenin atap ótemiz.

Elder bólinisinde eksport ósti:

Italııaǵa - 2,9 mıllıard dollarǵa

Qytaıǵa - $ 1,5 mlrd

Ońtústik Koreıaǵa - $1,3 mlrd

Túrkııaǵa - $1,1 mlrd.

«Jalpy Eýroodaqqa jetkizý $5,8 mlrd-qa jáne Azııa elderine $5,2 mlrd-qa ósti, bul eki baǵyt qazaqstandyq eksporttyń 87% ósimin qamtamasyz etti. Al elimizdiń EAEO elderine eksporty qańtar-mamyrda 0,9%-ǵa tómendedi», - deıdi mınıstrlikten.