Bıyl MÁMS júıesi arqyly 12 myńnan astam qymbat ota jasalǵan
Bul jaıynda Áleýmettik medıtsınalyq saqtandyrý qorynyń basqarma tóraǵasy Aıdyn Ashýev Ortalyq kommýnıkatsııalar qyzmetinde ótken brıfıngide aıtty.
«2,5 jyl ishinde medıtsınadaǵy barlyq problemalardy sheshý múmkin emes. Alaıda MÁMS júıesiniń arqasynda adamdar buryn tek aqyly bolǵan qyzmetterdi tutyna alady.
Bıyl joǵary tehnologııalyq kómek kólemi 1,5 ese ósti. Osy jyldyń 7 aıynda 12 myńnan astam qymbat operatsııalar jasaldy. Ótken jylmen salystyrǵanda ósim 34%. «Ańsaǵan sábı» baǵdarlamasy boıynsha 7 myń eko-rásimniń 4 myńǵa jýyq reprodýktıvti qyzmeti qarjylandyryldy. Ótken jyldyń osy kezeńimen salystyrǵanda ósim 40% boldy.
Osylaısha, MÁMS júıesi salany qarjylandyrý bóliginde qolaıly jaǵdaılar jasaıdy. Biraq qazir medıtsınalyq kómekti uıymdastyrý, klınıkalardyń ishindegi menedjment deńgeıi, patsıentterdi durys baǵyttaý máseleleri ózekti», - dedi Aıdyn Ashýev.
