Bıyl Qyzylordada sý tasqyny bolmaıdy – Sergeı Gromov
NUR-SULTAN. QazAqparat – Bıyl Qyzylordany sý basqan joq. Bul týraly QR Ekologııa, geologııa jáne tabıǵı resýrstar vıtse-mınıstri Sergeı Gromov QR Jemqorlyqqa qarsy is-qımyl qyzmetiniń saıtynda ótken onlaın suhbatta aıtty, dep habarlaıdy QazAqparat tilshisi.
«Bastapqyda jaǵdaı kúrdeli bolǵan. Alty aımaqta 48% qar túrinde ylǵal jınalyp qalǵan. QR ІІM TJ-men, jergilikti atqarýshy organdarmen birlesip istegen jumys nátıjesinde bári durystaldy. Bizdiń mindet – sý qoımalarynyń jarylyp ketýine jol bermeý. Biz sý qoımalaryn táýlik boıy baqylaýda ustadyq. Sonymen qatar, bizge aýa raıy jaǵdaıy qatty kómektesti. Naýryz, sáýir aıynda kúndiz aýa temperatýrasy joǵary bolǵan joq, túngi aýa temperatýrasy da oıdaǵydaı boldy», - deıdi QR Ekologııa, geologııa jáne tabıǵı resýrstar vıtse-mınıstri Sergeı Gromov.
Ol bıyl Qyzylordada sý tasqyny bolmaıtynyn aıtty.
«Bıyl Qyzylordany sý basqan joq. Ol jaqtaǵy sý qoımasyna aldymen kólemdi sý jiberý kerek boldy. Ol muzdyń bıiktikte qatýy úshin kerek. Odan keıin az sý jibergen kezde kishkene arna paıda bolyp, ol jerden sý emin-erkin ótedi. Bul jumys bıyl sátti júrgizildi», - deıdi Sergeı Gromov.
