Bıyl Qyzylordada apattyq mektepter máselesi tolyqtaı sheshiledi

QYZYLORDA. QazAqparat - Bıyl Qyzylorda oblysynda apattyq jaǵdaıdaǵy mektepter máselesi tolyǵymen sheshiledi, dep habarlaıdy QazAqparat tilshisi.

Sońǵy jyldarda Syr óńirinde apattyq mektepter máselesin sheshý baǵytynda naqty ister atqarylyp jatyr. Osynyń nátıjesinde bes jyldan astam ýaqyttan beri olardyń ornyna 37 jańa mektep boı kóterdi.

«Búgingi kúni mundaı bilim oshaqtary Jańaqorǵan jáne Jalaǵash aýdandarynda kezdesip otyr. Apattyq jaǵdaıdaǵy atalmysh mektepter ornyna jańasy salynady», - dedi Qyzylorda oblysynyń ákimi Qyrymbek Kósherbaev búgingi halyq aldynda esep berý sharasynda.

Sondaı-aq, qazirgi tańda Qyzylorda oblysynda úsh aýysymda oqıtyn mektepter múldem joq. Bul problema túbegeıli sheshimin tapqan.

Budan buryn Qyzylordada zamanaýı et kombınaty salynatyny habarlanǵan edi.