Bıyl Qyzylorda oblysynda memqyzmetshiler sany 330 adamǵa qysqardy

QYZYLORDA. QazAqparat – Bıyl Qyzylorda oblysynda memlekettik qyzmetshiler sany ótken jylmen salystyrǵanda 330 adamǵa azaıdy, dep habarlaıdy QazAqparat tilshisi.

Bıyl oblystaǵy memlekettik qyzmetshilerdiń shtat sany 3 345 adamdy quraıdy. Ol ótken jylmen salystyrǵanda 330 adamǵa kem.

Byltyr ádep jónindegi keńestiń 12 otyrysynda 61 másele qaralǵan. Atalǵan máseleniń 19-y tártiptik is bolsa, 42-i memlekettik organ basshylary men profılaktıkalyq baǵytta bolyp otyr.

«Byltyr memlekettik qyzmet salasynda zańnamanyń saqtalýy boıynsha 25 tekseris júrgizilip, 665 zań buzýshylyq anyqtaldy. Bul boıynsha tıisti quqyqtyq sharalar qaraldy. Al ádep jónindegi keńestiń sheshimimen 10 memlekettik qyzmetshi tártiptik jaýapkershilikke tartyldy. Tártiptik jazaǵa tartylǵandar arasynda 1 oblystyq departament basshysynyń orynbasary, 6 kent, aýyldyq okrýg ákimderi, 2 aýdandyq derbes bólim basshysy, 1 ózge de laýazymdy adam bar. Memleket basshysynyń tapsyrmasyna sáıkes, byltyr Prezıdenttik jastar kadr rezervine ekinshi ret irikteý júrgizildi. Oǵan Qyzylorda oblysynan 435 azamat qatysty», - dedi QR Memlekettik qyzmet isteri agenttiginiń Qyzylorda oblysy boıynsha departamenti basshysy mindetin atqarýshy Berikbol Baıhojaev.

Vedomstvo málimetinshe, memlekettik qyzmetshiler arasyndaǵy quqyq buzýshylyqtardyń aldyn alý maqsatynda «Biryńǵaı quqyqtyq oqytý» jobasy iske asyryldy. Jobanyń basty maqsaty – jıi quqyq buzýshylyq oryn alatyn salalar boıynsha quzyrly memlekettik organdardyń tizimi jasaqtalyp, onlaın formatta 9 ret quqyqtyq oqytý ótkizildi.