Bıyl Qyzylorda oblysynda «Batys Eýropa - Batys Qytaı» dáliziniń 500 shaqyrymyn salý josparlanýda -KKM
ASTANA. 2 maýsym. QazAqparat - Kólik jáne kommýnıkatsııa vıtse-mınıstri Roman Sklıar 31 mamyr jáne 2 maýsym aralyǵynda Qyzylorda jáne Ońtústik Qazaqstan oblystarynda jumys saparymen bolyp, «Batys Eýropa - Batys Qytaı» jobasy boıynsha qurylys jumystarynyń barysymen tanysty.
Bul týraly mınıstrliktiń baspasóz qyzmetinen habarlady.
Dálizdiń Qazaqstan Respýblıkasynyń aýmaǵy boıynsha uzaqtyǵy 2 787 shaqyrymdy quraıdy jáne 5 oblystyń aýmaǵy arqyly ótedi. 2 452 shaqyrym jol qaıta jańartylady. Jobanyń jalpy quny - 825 mıllıard teńgeni quraıdy. Joba boıynsha, 1 391 shaqyrym joldy I tehnıkalyq sanattaǵy 4 jolaqty jol qozǵalysyna aýystyrý kózdelýde, al uzaqtyǵy 1 061 shaqyrymnyń qalǵan ýchaskeleri II tehnıkalyq sanatqa aýystyrylatyn bolady.
Qazirgi ýaqytta Qyzylorda oblysynda jalpy uzaqtyǵy 812 shaqyrymǵa sozylatyn 15 ýchaskede «Salını» (Italııa), «Akkord/Okan» (Ázerbaıjan/Túrkııa), «Impreza» (Italııa), «Todını» (Italııa), «Azerkorpý» (Ázerbaıjan) kompanııalary qurylys jumystaryn júrgizýde.
Jalpy oblys boıynsha 2010 jyly tómengi qabattyń 197 shaqyrym asfalt-beton jamylǵysy salyndy. Ústimizdegi jyly 500 shaqyrym tóseý josparlanýda.
Qazirgi ýaqytta merdigerlik uıymdarmen 1188 tehnıka jumyldyrylyp, 216,7 myń tekshe metr shaǵyltas, 93 myń tonna qum-qıyrshyqtas qospa jáne 0,8 myń tonna temirbeton buıymdar ázirlendi.
Ońtústik Qazaqstan oblysynda jalpy uzaqtyǵy 224 shaqyrymǵa sozylatyn ýchaskelerde «Dena Rahsaz» (Iran), SP «Copri/Seıser» (Kýáıt/Qazaqstan), «POSCO Ltd» (Koreıa), «Sinohydro Corporation Limited» (Qytaı), «Kukdong Ltd.,» (Koreıa) jáne «Azerkorpu/Tepe» ÁK (Ázerbaıjan/Túrkııa) kompanııalary qurylys jumystaryn júrgizýde.
