Bıyl Qytaı kınoteatrlarynyń tabysy 28 mlrd. ıýannan kóp bolmaq
ASTANA. QazAqparat - Boljam boıynsha, bıylǵy jyly Qytaıdaǵy kınokartınalardyń kassalyq jıyny 28 mlrd. ıýannan aspaq. ıAǵnı, kórsetkish ótken jylǵy tabyspen salystyrǵanda 30 paıyzdan asaıyn dep otyr, dep habarlady Sınhýa agenttigi.
Ýhan qalasynda (Hýbeı provıntsııasy, Ortalyq Qytaı) ótetin «Qytaı kınoındýstrııasy-2014» jármeńkesinde osy jylǵy qyrkúıektiń aıaǵynda eldegi kınoprokattan kassalyq jıyn 21,95 mlrd ıýanǵa jetti, sonymen qatar ótken jyly bul kórsetkish 21, 77 mlrd ıýandy quraǵan.
Otandyq kınokartınalar osy jyldyń alǵashqy 9 aıynda 11, 27 mlrd. ıýan jınady, bul qytaılyq kıno naryǵynyń 51, 36 paıyzyn quraıdy.
Aǵymdaǵy jylǵy qańtardan bastap, qyrkúıekke deıingi aralyqta QHR qalalarynyń negizgi kınoteatrlaryna 100 mln. ıýannan astam kassalyq jıynmen 48 kartınany (25 otandyq jáne 23 sheteldik) qosa alǵanda, 230 otandyq jáne sheteldiń fılmderi túsirilgen. Qytaı kınoprodıýserler qaýymdastyǵy tóraǵasynyń orynbasary Van Fenlınniń boljamy boıynsha, taıaý úsh jylda Qytaı AQSh-ty basyp ozyp, álemdegi iri kıno naryǵyna aınalmaq.
Qazir Qytaıda kıno óndirisi boıynsha 2300-ge jýyq kásiporyn bar, olar jylyna shamamen 700 fılm túsiredi, osy kórsetkish boıynsha Qytaı álemde AQSh pen Úndistandy ǵana alǵa ozdyryp, úshinshi oryndy ıelenedi.
