Bıyl qys qarasha aıynda túsedi, al keler kóktem erte shyǵady - Qazgıdromet
ASTANA. QazAqparat - Aldaǵy 2015-2016 jyldardaǵy qys aılary ótken jylmen salystyrǵanda kópjyldyq mánderge sáıkes bolady, tek qańtar aıy yzǵarly, normadan 1...2 °S tómen bolady dep boljanýda, dep habarlanǵan «Qazgıdromet» RMK saıtynda.
Qarasha aıyna jasalǵan boljam boıynsha aýa raıy qubylmaly: jaýyn-shashyndy, qatty jeldi, tumandy jáne kóktaıǵaqty bolady dep kútilýde. Qarashanyń birinshi jáne úshinshi onkúndikteriniń sońynda sýyq aýa massalarynyń enýine baılanysty kún raıy kúrt sýytady. Soltústik aımaqtarda túnde -20 gradýs aıazǵa, kúndiz -12 gradýs aıazǵa deıin tómendese, ońtústik aımaqtarda túnde -10 gradýs aıaz, kúndiz -3 gradýs aıaz bolady. Al turaqty qar jamylǵysy respýblıkamyzdyń soltústik, shyǵys jáne ortalyǵynda aıdyń birinshi onkúndiginde ornasa, batys pen ońtústik-shyǵysta úshinshi onkúndikte ornaıdy.
Osy jyldyń jeltoqsan aıynda elimizdiń basym bóliginde qar az jaýady jáne aýanyń ortasha aılyq temperatýrasy kópjyldyq mánderge sáıkes bolady dep boljanýda. Birinshi onkúndiktiń sońynda jáne jańa jyl qarsańynda Batys Sibir jáne Taımyr túbeginen enetin ýltrapolıarlyq sýyq aýa massalarynyń saldarynan aýa temperatýrasy soltústikte jáne ortalyqta -28 °C aıazǵa, shyǵys óńirlerde -36°S deıin tómendeıdi.
Uzaq merzimdi boljamǵa sáıkes aldaǵy jyldyń qańtar aıy Taımyr túbeginen úzdiksiz enetin sýyq aýa massalarynyń yqpalynan yzǵarly, ıaǵnı aýanyń ortasha aılyq temperatýrasy qalypty mólsherden 1...2°S tómen bolady dep boljanýda. Eń tómengi temperatýralar aıdyń basynda, ortasynda jáne úshinshi onkúndikte baıqalady: soltústik jartysynda 45°S aıazǵa deıin tómendese, ońtústik jartysynda 30 °S aıazǵa deıin tómendeıdi.
Aqpan aıynda tsıklondardyń jıi ótýine baılanysty qar shamadan tys jaýyp aıazdyń álsireýine jáne aýanyń ortasha aılyq temperatýrasy Qazaqstannyń ońtústik-shyǵys bóliginde mólsherden 1...2°S joǵarylaýyna sebepshi bolady. Degenmen boljamǵa sáıkes birinshi onkúndiktiń sońynda jáne úshinshi onkúndikte eki sýyq tolqyny baıqalady: eldiń soltústik bóliginde kún raıy - 30°S aıazǵa, ońtústik bóliginde - 20 °S aıazǵa tómendeıdi.
Kóktemniń alǵashqy aıy - naýryz aıy jyly, klımattyq mólsherden 1... 2°C joǵary bolady jáne erte keledi dep boljanýda. Bul ásirese, aıdyń ekinshi jartysynda baıqalady. Bul kezde elimizdiń soltústik bóliginde 10°C jyly shamasynda bolsa, al ońtústik jartysynda 15 °S jyly bolady.
