Bıyl Qyrǵyzstanǵa 2 mln-nan astam týrıst barǵan

BІShKEK. QazAqparat – BІShKEK. QazAqparat - Qyrǵyzstannyń týrızm salasy birtindep qalpyna kelip, 2022 jyldyń birinshi jartyjyldyǵynda ótken jyldyń sáıkes kezeńimen salystyrǵanda týrıster aǵyny eki ese artty, dep habarlaıdy QazAqparat.

Qyrǵyzstannyń Ulttyq statıstıka komıtetiniń málimetinshe, bıylǵy jyldyń birinshi jartysynda elge shet memleketterden 2,6 mln adam kelgen, onyń 2,5 mıllıony (97%) – TMD elderinen kelgen týrıster. Olardyń eń kóbi Ózbekstan, Qazaqstan jáne Reseı azamattary.

TMD-dan tys elderden kelgen qonaqtar aǵyny da eki ese ósip, 74 myńnan astam adamdy quraǵan. Sonyń ishinde negizinen Túrkııa, Germanııa, AQSh, Úndistan, Qytaı, Mońǵolııa jáne Saýd Arabııasynyń azamattary bar.

Buǵan deıin habarlanǵandaı, mamyr aıynan bastap Qyrǵyzstan respýblıkaǵa keletinder úshin koronavırýs pandemııasyna baılanysty barlyq shekteýlerdi alyp tastady.