Bıyl qymbat dárilerdiń baǵasy kóterilmeıdi
ASTANA. QazAqparat - Bıyl qymbat dárilerdiń baǵasy kóterilmeıdi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótip jatqan brıfıngte Densaýlyq saqtaý vıtse mınıstri Erik Baıjúnisov málim etti.
«Halyqaralyq tájirıbede dári baǵasy men dárilik quraldarynyń sapasy ulttyq qaýipsizdik júıesine jatady. Sondyqtan da ótken jyly biz Básekelestikti qorǵaý agenttiginiń bastamasymen Densaýlyq saqtaý mınıstrliginiń quziretin qaıta qaradyq. Aldaǵy ýaqytta memleket tarapymen satyp alynatyn barlyq dári túrleriniń baǵasyn mınıstrlik retteıdi. Jalǵyz dıstrıbıýter «SQ Farmatsııa» kompanııasy dári-dármektiń 900-den astam túrin satyp alady. Oǵan Densaýlyq saqtaý mınıstrligi tarabynan baǵa qatań belgilengen. Sonymen birge atalǵan dárilerdiń barlyǵy da ótken jyly satyp alyndy. Sondyqtan 2014 jyly statsıonarlyq ári ambýlatorlyq deńgeıde baǵa óspeıdi. ıAǵnı, onkologııaǵa, qant dıabetine, gemofılııaǵa qarsy qymbat dárilerdiń baǵasy kóterilmeıdi», - dedi vıtse-mınıstr.
Onyń atap ótýinshe, «SQ Farmatsııa» kompanııasy ótken jyly 90 mıllıard teńgeden astam somaǵa dári satyp alǵan. Al olardyń baǵasynda qandaı da bir ózgeris oryn alatyn bolsa, ony Densaýlyq saqtaý mınıstrligi qarastyratyn bolady.
