Bıyl qujat aınalymynan 25 anyqtama alynyp tastalmaq

NUR-SULTAN. QazAqparat – 2020 jyly anyqtamalardyń 25 túri qujat aınalymynan shyǵarylady. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev málim etti, dep habarlaıdy QazAqparat tilshisi.

«Bıyl memlekettik qyzmetterdi avtomattandyrýdy 90 paıyzǵa deıin jetkizý maqsaty qoıyldy. Bul sharalardy barlyq memlekettik organdarmen pysyqtaýdamyz, jalpy, tıisti jumystar jospar boıynsha atqarylýda. Biz memqyzmetterdi avtomattandyrýmen qatar, olardyń keıbirin, ıaǵnı mekenjaı anyqtamasyn alyp tastap jatyrmyz. Óıtkeni bul anyqtamany bir memorgannan basqasyna suratady», - dedi mınıstr onlaın rejımde halyqqa esep berý barysynda.

Onyń sózine qaraǵanda, bul jumystar men aqparattyq júıelerdiń ıntegratsııasy arqasynda osy tektes 5 anyqtama qujat aınalymynan shyǵaryldy.

«Bıyl anyqtamalardyń taǵy 25 túrin aınalymnan shyǵaryp, memqyzmet alýda turǵyndarǵa qolaıly jaǵdaı jasamaqpyz. «Halyqqa jaqyn bolý» ustanymy turǵysynda elektrondy úkimettiń mobıldik tuǵyrnamasy bar. Osy arqyly halyqqa qyzmet usyný múmkindigi eskerilgen, búginde 60 qyzmet osy tuǵyrnamada shoǵyrlandy. Sonymen qatar, telegram-bottardy belsendi ilgeriletýdemiz», - dedi mınıstr.