Bıyl kúzde Qyrǵyzstanda Parlament saılaýy ótedi
BІShKEK. QazAqparat – Qyrǵyzstanda Parlament saılaýy kúzde bolady. Bul jaıynda Qyrǵyzstan Prezıdenti Sadyr Japarov QazAqparatqa bergen suhbatynda málim etti.
«Jaqynda jergilikti saılaý ótedi. Referendým ótkizý belgilendi, ony biz de ádil ótkizemiz. Kúzde parlament saılaýy ótedi», - dedi ol.
Qazirgi depýtattyq korpýstyń ókilettik merzimi ótken jyldyń qazan aıynda aıaqtaldy.
Alaıda, parlamenttik saılaýdan keıin bastalǵan narazylyqtar olardyń nátıjeleriniń joıylýyna, sondaı-aq prezıdent Sooronbaı Jeenbekov pen Úkimettiń otstavkaǵa ketýine ákeldi.
Nátıjesinde aldyńǵy shaqyrylymdaǵy depýtattar ózderiniń qyzmettik mindetterin atqarýdy jalǵastyrǵan bolatyn.
Ótken jyldyń sońynda olar «2021 jyldyń 1 maýsymynan keshiktirmeı» jańa parlament saılaýyn ótkizýdi kózdeıtin zań qabyldady.
