Bıyl kúzde konferentsııada qazaq kúresiniń jańa ataýy talqylanady
ASTANA. QazAqparat - Bıyl kúzde qazaq kúresiniń ataýyn ózgertý boıynsha ǵylymı-tájirıbelik konferentsııa ótedi. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Qazaq kúresi federatsııasynyń prezıdenti Arman Shoraev málim etti.
«Qazaq kúresiniń ataýyn ózgertý boıynsha qyzý talqylaýlar júrip jatyr. Buryndary babalarymyz «júr, qazaqsha kúreseıik» dep aıtqan joq qoı. ıAǵnı, olar «beldeseıik» nemese «kúreseıik» dep aıtqan edi. Kúresimizdi álemge keńinen taratamyz desek, ataýyn ózgertken durys bolar. Bul turǵyda múmkin «beldesý» bolatyn shyǵar. Amandyq bolsa, bıylǵy kúzde úlken ǵylymı-tájirıbelik konferentsııa ótkizemiz. Sol kezde ǵalymdardyń, tarıhshylarmen keńinen talqylaımyz», - dedi A.Shoraev.
Budan buryn habarlanǵandaı, Olımpıadalyq oıyndardyń baǵdarlamasyna engizý baǵytynda «qazaq kúresi» dep kirgizý óte qıyn. Sebebi, bul turǵyda ózbekterdiń jáne qyrǵyzdardyń kúresi shyǵady. Sonymen qatar ataýdy ózgertýdegi basty sebep - ulttyq kúrestiń burynǵy tarıhı ataýyna qaıtyp kelý.
