Bıyl kúzde áskerge 17 myń azamat shaqyrylady

SEMEI. QazAqparat - Qalalyq Mádenıet saraıynda «Shyǵys» óńirlik qolbasshylyǵy uıymdastyrǵan jastardy áskerge shyǵaryp salýǵa arnalǵan Áskerge shaqyrýshylar kúni ótti, dep habarlaıdy QazAqparat QR Qorǵanys mınıstrligine silteme jasap.

Saltanatty is-sharaǵa Uly Otan soǵysy men QR Qarýly Kúshteriniń ardagerleri, ınternatsıonalıst jaýyngerler, «Jasulan» mektep-lıtseıi men áskerı-patrıottyq klýb tárbıelenýshileri, áskerı-tehnıkalyq mekteptiń kýrsanttary, qala ákimdigi bilim berý bólimi men ishki saıasat bóliminiń ókilderi qatysty.  

Ardagerler men áskerı qyzmetshiler sóz sóılep, quttyqtady. Іs-shara sońynda áskerge shaqyrylýshylar men qonaqtarǵa merekelik kontsert uıymdastyryldy.

Aıta keteıik, bıyl kúzde respýblıkanyń áskerleri men áskerı qurylymdaryna 1992-2000 jyldary dúnıege kelgen 17 myńnan astam qazaqstandyq áskerge shaqyrylady dep josparlanýda.