Bıyl qurylysy aıaqtalmaǵan 22 nysan salynyp bitip, 5 myńǵa jýyq úleskerdiń quqyǵy qorǵalady
Búgin Parlament Májilisinde ótip jatqan Úkimet saǵatynda Qurylys jáne turǵyn úı kommýnaldyq sharýashylyq isteri agenttiginiń tóraǵasy Serik Nokın málim etti.
Tóraǵanyń aıtýynsha, ótken jyly respýblıkadaǵy qurylys jumystarynyń kólemi 2 trln. 82 mlrd. teńgeden asty. Úkimettiń tapsyrmasyna sáıkes qurylys jumystarynyń naqty kóleminiń ındeksi 210 jylmen salystyrǵanda 102,7 paıyzǵa qamtamasyz etilgen. Sondaı-aq, byltyr 6,5 mln. sharshymetr turǵyn úı iske qosyldy.
«Jalpy úlestik qurylysty qoldaý úshin 2007 jyldan bastap 461,3 mlrd. teńge bólindi. Qabyldanǵan sharalardyń nátıjesinde 428 nysannyń qurylysy aıaqtaldy. Bul 62700 úleskerdiń quqyǵyn qorǵaýǵa múmkindik berdi. Al, 2012 jyly qurylysy aıaqtalmaǵan 26 nysan salynyp bitedi. Sonyń nátıjesinde 5 myńdaı úleskerdiń quqyǵy qorǵalady»,-dedi agenttik tóraǵasy S. Nokın.
