Bıyl quny 1,1 trln teńge bolatyn 160 joba iske asyrylady

NUR-SULTAN. QazAqparat - Bıyl quny 1,1 trln teńge bolatyn 160 joba iske asyrylady. QR Indýstrııa jáne ınfraqurylymdyq damý vıtse-mınıstri Amanııaz Erjanov osylaı aıtty, dep habarlaıdy QazAqparat tilshisi.

«Indýstrııalandyrý kartasy aıasynda osy jyldyń sońyna deıin jergilikti ákimdikterdiń aqparaty boıynsha 17 myńnan astam turaqty jumys oryndaryn qurý arqyly 1,1 trln teńgege 160 jobany júzege asyrý josparlanǵan», - dedi vıtse-mınıstr.

Onyń dereginshe, 2020 jyldyń birinshi jartyjyldyǵynyń qorytyndysy boıynsha shamamen 900 jumys orny qurylyp, jalpy quny 23,7 mlr teńgege 4 joba iske qosyldy.

«Sonymen qatar, koronavırýs indeti kezinde jeke qorǵanys quraldaryna (JQQ) degen úlken suranystyń artýyna baılanysty osy baǵyttaǵy 4 jańa joba iske qosyldy. Olar - JKQ óndiretin «Bizhon» JShS jáne zararsyzdandyrý quraldaryn shyǵaratyn 3 jańa kásiporyn - «Topan» JShS, «SARI SUPPLIERS» (Sarı sýplaıers) JShS, «NeoHımTeh» JK«, - dedi Amanııaz Erjanov.