Bıyl QR Qarjy mınıstrligi elektrondy deklaratsııalaý júıesin engizbek
ASTANA. 22 qańtar. QazAqparat - Bıyl QR Qarjy mınıstrligi eksport jáne ımportqa elektrondy deklaratsııalaý júıesin engizýdi josparlap otyr.
Bul týraly búgin Úkimet otyrysynda atalǵan vedomstvonyń basshysy Bolat Jámishev málim etti.
Mınıstr ótken jyly «Eksport» rásimi boıynsha elektrondy deklaratsııalaýdyń aqparattyq júıesi ázirlengenin eske salyp ótti. Bul júıe 24-28 jeltoqsanda tekserilip, iske qosylǵan kórinedi. Qazirgi kezde osyǵan oraı Qostanaı jáne Qaraǵandy oblystarynda qanatqaqty joba engizilýde. Sonymen qatar ekinshi jartyjyldyqta ımportty elektrondy deklaratsııalaýdyń tártibi iske qosylǵan bolatyn.
«Tolyqtaı alǵanda bıylǵy jyly biz ilki tártipte elektrondy deklaratsııalaýdyń múmkindigin qamtamasyz ete alamyz»,-dep túıdi B. Jámishev.
