Bıyl QR Qarýly Kúshteri áskerı qyzmetshileri parashıýtpen sekirýden rekord ornatty
«Bul osy ásker túri qurylǵan 2000 jyldan bergi kórsetkisherdiń rekordtyq mólsheri bolyp tabylady. Sekirý normatıvterin oryndaı otyryp Desantshylar, jyl saıyn olardyń sanyn 500-600-ge arttyryp, sýǵa sekirýge, túngi jaǵdaıda sekirýge mashyqtaný deńgeıin jetildirip keledi. Úzdik áskerı qyzmetshiler Aeroutqyr áskerleriniń birikken parashıýttik rotasy men shabýyl tobynyń quramyna endi», - delingen QR Qorǵanys mınıstrliginiń málimetinde.
Desantshylar óz múmkindikterin Spassk polıgonyndaǵy (Qaraǵandy oblysy) «Ózara is-qımyl-2014», «Chjýjıhe» polıgonyndaǵy (QHR) «Beıbit mıssııa-2014» oqý-jattyǵýlary barysynda, sondaı-aq QR Іshki ister mınıstrligi men Ulttyq qaýipsizdik komıteti arnaıy bólimshelerimen birlesken jıyndyq is-sharalarda tabysty kórsete bildi.