Bıyl qosymsha bilim júıesin damytýdyń tujyrymdamalyq tásilderi bekitiledi
«Respýblıkada 24 myńnan astam qosymsha bilim berý pedagogteri bar. 2023 jyldyń basynda qajettilik 1,5 myńnan astam pedagogti quraıdy. Pedagogterdiń kásibı ósýin arttyrý úshin biliktilikti arttyrýdyń 40 bilim berý baǵdarlamasy ázirlendi. Jyl saıynǵy biliktilikti arttyrý kýrstarymen 2,5 myńnan astam qosymsha bilim berý pedagogteri qamtyldy. «Pedagog mártebesi týraly» Zań aıasynda tıisti beıin boıynsha kásiptik bilimi bar adamdar joǵary jáne joǵary oqý ornynan keıingi bilim berý uıymdarynyń bazasynda mindetti túrde qaıta daıarlaýdan ótken kezde pedagog qyzmetkerlerge teńestiriledi», - dep atap ótedi Tamara Dúısenova jaýabynda.
Budan basqa, mınıstrdiń atap ótýinshe, Balalar men eresekterge arnalǵan qosymsha bilim berý uıymdary qyzmetiniń úlgilik qaǵıdalarynda qosymsha bilim salasynda belgili bir jumys túrin oryndaý úshin qajetti jańa nemese ózgertilgen kásibı daǵdylardy ıgerýge tulǵany damytýǵa baǵyttalǵan kásiptik daıarlyq kózdelgen.
«Qosymsha bilim berý salasyndaǵy kadrlardy daıarlaý jáne qaıta daıarlaý máseleleri qosymsha bilim berý júıesin damytýdyń tujyrymdamalyq tásilderiniń ázirlenip jatqan jobasynda kórsetilgen. Ony osy jyly bekitý josparlanyp otyr. Balalardy sapaly qosymsha bilimmen qamtamasyz etý boıynsha jumys jalǵasýda jáne Úkimettiń erekshe baqylaýynda», - dedi vıtse-premer.
T.Dúısenova sondaı-aq balalardyń shyǵarmashylyq jáne zııatkerlik áleýetin damytý úshin 100 jańa iri nysan salý boıynsha jol kartasy ázirlengenin málim etti.
