Bıyl Qostanaıda qazaq tilinde oqytatyn jańa mektep ashylady
QOSTANAI. QazAqparat- Qostanaıda memlekettik tilde oqytatyn jańa mektep ashylmaq. Bul týraly búgingi brıfıng barysynda qala ákimi Qaırat Ahmetov málimdedi, dep habarlaıdy QazAqparat tilshisi.
«Bıyl Qostanaıda qazaq tilinde oqytatyn jetinshi mektep ashylady. Ol Jeńis-Borodın kósheleriniń qıylysynda ornalasady. Osy aptanyń sońyna deıin qarjy basqarmasy mektep ǵımaratyn qala balansyna berýi tıis. Búginde bul mekteptiń ǵımaraty barlyq normalar men talaptarǵa saı. Biz jylý berý júıesin ózgertemiz. Mektep ǵımaraty oqý jylynyń basyna deıin daıyn bolady», - dedi qala basshysy.
Jańa mektep 960 orynǵa shaqtalǵan. Sonymen qatar, jaqyn arada Qostanaıda «Áýejaı» jańa shaǵyn aýdanynda taǵy bir 960 oryndyq mektep jumys isteı bastaıdy. Ol memlekettik jáne orys tilderinde oqytady.
Eske salsaq, búgin Qostanaı qalasyndaǵy qazaq tilinde bilim beretin jalǵyz bastaýysh mektebi jabylmaıtyny belgili boldy.
