Bıyl Qostanaıda 250 adamnyń júregine ashyq ota jasalady
QOSTANAI. QazAqparat - Qostanaı oblysynda júrekke ashyq ota jasaýǵa qarajat bólinedi, dep habarlaıdy QazAqparat oblystyq densaýlyq saqtaý basqarmasynyń baspasóz qyzmetine silteme jasap.
Qostanaı oblystyq aýrýhanasynyń bas dárigeri ıÝrıı Moıseev aıtqandaı, buryn júrekke ashyq ota jasaý úshin qarjy jetkiliksiz bolǵan. Degenmen, 2019 jyly bul olqylyqtyń orny tolady. Endi oblystyq aýrýhanada júrekke asa kúrdeli otalar jasaldy.
«Biz osy qadam úshin bilikti mamandarymyzdy daıyndadyq. Zamanaýı qurylǵylar da bar. Osy ýaqytqa deıin júrekke ashyq ota jasaýdy qolǵa alǵanbyz. Biraq, aqshanyń jetispeýinen bul isimizdi toqtatýǵa májbúr boldyq. Bıylǵy qarjyny qaıta qarap, josparly túrde jumys istesek qıyn otalardy jasaýǵa múmkindigimiz bar», -deıdi bas dáriger.
Belgili bolǵandaı, óńirde kardıohırıýrgııalyq kómekke zárý adamdar jeterlik. Tipti, osy jyldyń ózinde júrekke 250 ret ashyq ota jasalýy múmkin.
Mamandardyń sózinshe, osyndaı bir otanyń quny 1 mln teńgeden asyp jyǵylady.
