Bıyl Qostanaı oblysynda úsh mektep ashylady
QOSTANAI. QazAqparat – Qostanaıda jańa mektepter paıdalanýǵa beriledi. Bul týraly Óńirlik kommýnıkatsııalar qyzmeti alańynda oblystyq bilim basqarmasy basshysynyń orynbasary Aıjan Baımaqanova aıtty, dep habarlaıdy QazAqparat.
Aıjan Baımaqanova oblystyń bilim berý obektileriniń jańa oqý jylyna daıyndyǵy týraly málimet berdi. Onyń aıtýynsha, byltyr óńirde jańa úsh mekteptiń qurylysyna bıýdjetten 2,7 mlrd teńge bólindi.
«Jańa oqý jylynan bastap «Áýejaı» shaǵyn ýdanynyń jas turǵyndary 900 orynǵa arnalǵan jańa mektep tabaldyryǵyn attaıdy. Qostanaı qalasynda «ıÝbıleınyı» shaǵyn aýdanynda 1200 orynǵa arnalǵan mekteptiń qurylysy bastalǵan. Áýlıekól aýdanynyń Amanqaraǵaı aýylynda jalpy quny 1,2 mlrd teńgege memlekettik tilde oqytatyn 320 orynǵa arnalǵan oqý orny paıdalanýǵa beriledi. Bulardan bólek, oblystaǵy 21 bilim berý uıymyna kúrdeli jóndeý jumystary júrgizilýde. Onyń ishinde «Aýyl - El besigi» jobasy boıynsha bes mektep retke keledi. Osy maqsatqa respýblıkalyq jáne oblystyq bıýdjet qarajatynan 3 mlrd teńgege jýyq qarjy bólinedi», - dedi Aıjan Baımaqanova.
Sonymen qatar 113 mektepte ortasha jóndeý júrgiziledi. Olardyń barlyǵy 1 qyrkúıekke deıin aıaqtalady.
