Bıyl Qostanaı oblysyna 250 dáriger keledi

QOSTANAI. QazAqparat - Bıyl Qostanaı oblysyna jas dárigerler kóptep keledi. Bul týraly oblys ákimi óziniń Instagram jelisindegi paraqshasynda jazdy, dep habarlaıdy QazAqparat.

Búgin Arhımed Muhambetov oblystyq densaýlyq saqtaý basqarmasy basshylyǵynyń medıtsınalyq kadrlarmen qamtamasyz etý jónindegi esebin tyńdady.

«Ótken jyly barlyq memlekettik baǵdarlamalar esebinen 101 jas maman jumysqa tartyldy. 2019 jyly osy kórsetkishti kem degende eki ese arttyrý mindetin qoıdym. Oblystyq bıýdjetten 90 dárigerge kóterme aqy tóleýge 135,6 mln teńge bólindi. Aldaǵy 2 aıda 100 mln teńge kóleminde demeýshilik qarajat tartylatyn bolady. Jas mamandardy bizdiń óńirge jumysqa shaqyramyn!», - dep jazdy aımaq basshysy.

Sonymen qatar, «Dıplommen aýylǵa» jáne «Eńbek» baǵdarlamalary aıasynda 50 jas maman jumysqa tartylady. Arhımed Muhambetovtiń sózinshe, bıyl oblysqa 250 dáriger keledi.