Bıyl koronavırýspen kúreske 100 mlrd teńge bólindi

NUR-SULTAN. QazAqparat – QR Densaýlyq saqtaý mınıstri Ajar Ǵınııat Qazaqstanda koronavırýspen kúreske qansha qarajat bólinetinin aıtty, dep habarlaıdy QazAqparat tilshisi.

«Bıylǵa koronavırýs ınfektsııamen kúres jumystaryna 100 mlrd teńge bólý josparlanǵan. Osy baǵytta vaktsına satyp alý, naýqastardy emdeý, sondaı-aq qaýipti jaǵdaıda jumys istep jatqan medıtsına qyzmetkerlerine ústemeaqy tóleý eskerilgen», - dedi A. Ǵınııat Ortalyq kommýnıkatsııalar qyzmetinde.

Mınıstrdiń aıtýynsha, qazirgi bıýdjet byltyrǵa qaraǵanda alty ese tómen ekenin naqtylady.

Budan buryn habarlanǵandaı, álemde syrqattaný deńgeıiniń ósýimen qatar, Qazaqstanda da 20 maýsymnan bastap koronavırýs ınfektsııasyna shaldyǵý deńgeıi ósti.

Sonymen qatar, koronavırýs kóp taralyp jatqan óńirler belgili boldy.