Bıyl «Qoljetimdi baspana» boıynsha 6,6 mln. sharshy metr turǵyn úı paıdalanýǵa beriledi

Búgin Parlament palatalarynyń birlesken otyrysy barysynda sóz sóılegen Úkimet basshysy Serik Ahmetov osylaı málim etti.

«Qoljetimdi baspana-2020» baǵdarlamasymen jumys jalǵasady. 2013 jyly 6,6 mln. sharshy metr, al 2014 jyly 7 mln. sharshy metrdi quraıtyn turǵyn úılerdi paıdalanýǵa berýdi josparlaımyz. Osylaısha, 2020 jylǵa qaraı atalmysh baǵdarlamada josparlanǵan jylyna 10 mln. sharshy metr baspanany berýdi qamtamasyz etemiz», - dedi Premer-Mınıstr.

Budan bólek, Úkimet basshysy agroónerkásip kesheniniń básekege qabilettiligin arttyrý úshin de keshendi sharalar qabyldanatynyn alǵa tartty. S. Ahmetovtiń aıtýynsha, «Agrobıznes-2020» aıasyndaǵy memlekettik retteýdiń nátıjesinde agroónerkásip keshenindegi bıznes úshin jaǵymdy jaǵdaılar qalyptasady.

«Kórip otyrsyzdar, atqarylatyn jumys az emes. Degenmen, eń bastysy, ekonomıka ósimin qamtamasyz etý. 2013 jyldyń 5 aıynyń qorytyndysy boıynsha ekonomıka ósimi 5 paıyz shamasynda boldy. Álemdik daǵdarys qubylystary áli de jalǵasyp jatqany belgili. Halyqaralyq naryqta da bári jaqsy emes. Bizde de ekonomıkanyń negizgi sektorynda birshama tómendeý bar. Aldaǵy ýaqytta ishki naryqty yntalandyratyn tetikter jáne bizdiń elimizde bar áleýetter ekonomıkany ornyqty etip, bıylǵy jyly 6 paıyzdyq ósimge qol jetkizýge septigin tıgizedi dep senemiz», - dedi S. Ahmetov.