Bıyl kolledjderde kadr daıyndaý memlekettik tapsyrysy 20 myń orynǵa deıin ulǵaıady
NUR-SULTAN. QazAqparat – Bıyl kolledjderde kadr daıyndaý memlekettik tapsyrysy 20 myń orynǵa deıin ulǵaıtylady. Bul týraly búgin Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.
«Jastar birinshi mamandyǵyn tegin alýy úshin osy jyly kolledjderde kadr daıyndaý memlekettik tapsyrysyn 20 myń orynǵa deıin ulǵaıtýdy qamtamasyz etý kerek. Oblys ákimderi 9 jáne 11 synyp oqýshylaryn aldyn ala kásibı baǵdarlaý boıynsha jumys júrgizsin», - dedi Úkimet basshysy.
Asqar Mamın Bilim jáne ǵylym mınıstrligine 20 eń myqty joǵary oqý ornyn iriktep, 25 naýryzǵa deıin olardyń tizimin joǵary oqý oryndarynyń básekege qabileti jónindegi keńeste qaraý úshin Úkimetke engizýdi tapsyrdy.
«Bilim berý júıesin keshendi jańǵyrtý básekege qabiletti ekonomıkanyń negizgi faktory bolatyn sapaly adamı kapıtal qalyptastyrý úshin qajetti jaǵdaı jasaýǵa múmkindik beredi», - dedi Premer-Mınıstr.
