Bıyl kolledjde oqýǵa grant alǵan 125 myń talapker qaı mamandyqtardy tańdady
Oqýǵa túsken stýdentterdiń kópshiligi ınjenerııa, bilim berý, qurylys, týrızm, qonaq úı bıznesi jáne basqa salalardy tańdady.
Qujat qabyldaý 25 maýsymda bastalyp, 25 tamyzda aıaqtalǵanyn eske sala keteıik. Bıyl tegin oqýǵa túskisi keletinderge arnalǵan kvotalar tizimi keńeıtildi.
Kópbalaly otbasy balalary úshin 5% kvota, tolyq emes otbasy balalary úshin 1% (osy mártebe úsh jyldan kem emes bolýy kerek), erekshe bilim qajettiligi bar balalardy tárbıelep otyrǵan otbasy balalary úshin 1% kvota qosyldy.
Upaılar teń bolǵan jaǵdaıda kvota sanaty men attestattyń ortasha baǵasy esepke alynady.
«Qazaqstanda elimizdiń kolledjderinde bilim alýǵa beriletin grant sany jyl saıyn artyp keledi. Prezıdenttiń tapsyrmasy aıasynda 2025 jylǵa deıin memlekettik tapsyrystyń 70% tehnıkalyq mamandyqtarǵa beriledi. Mysaly, bıyldyń ózinde 52 myńnan astam stýdent oqýǵa túsý kezinde ınjenerııa, óńdeýshi jáne qurylys salasy sııaqty mamandyqtardy tańdady. Sonymen qatar bıyl 8 myńǵa jýyq stýdent alǵash ret jumysqa ornalasý mindettemesi bar kásiporyndardyń ótinishi boıynsha maqsatty oqytý aıasynda grant aldy. Maqsatty memlekettik tapsyrys kolledjderge eńbek naryǵynyń suranysy boıynsha kadr daıyndaýǵa múmkindik beredi. ıAǵnı, balalar oqýdy aıaqtaǵan soń birden jumysqa ornalasady» , – deıdi QR Oqý-aǵartý mınıstrligi Tehnıkalyq jáne kásiptik bilim departamentiniń dırektory Nasymjan Ospanova.
Bıyl talapkerler qujat tapsyrý kezinde tórt mamandyqqa deıin jáne tórt kolledjge deıin tańdaý múmkindigine ıe boldy.
2021 jyly bilim berýdiń ashyqtyǵy men qoljetimdiligin qamtamasyz etý maqsatynda mınıstrlik «aqsha stýdenttiń sońynan eredi» qaǵıdaty boıynsha memlekettik tapsyrystardy bólýdiń jańa tetigin engizdi.
ıAǵnı buryn grantty bilim bólimderi bóletin bolsa, endi memlekettik tapsyrys talapkerlerdiń tańdaýyna qaraı beriledi.
Dálirek aıtqanda, bıýdjet aqshasy túlek qaıda barǵysy kelse, sol jaqqa baǵyttalady.
