Bıyl kóleńkeli ekonomıka salasynda jalǵan aqsha jasaý qylmysynyń úlesi basym
ASTANA. QazAqparat - Bıyl elimiz boıynsha úsh aıda kóleńkeli ekonomıka salasynda 1311 qylmys jasaldy. Bul týraly búgin QR Qarjy mınıstrligi Memlekettik kirister komıtetindegi brıfıng barysynda málim boldy.
«Respýblıka boıynsha bıylǵy úsh aıda kóleńkeli ekonomıka salasynda 1311 qylmys jasaldy. Onyń ishinde jalǵan kásipkerlik - 306, salyq tóleýden jaltarý - 147 , ekonomıkalyq kontrabanda - 96, munaı jáne munaı ónimderin zańsyz saqtaý - 25, alkogol óniminiń zańsyz aınalymy - 72, zańsyz oıyn bıznesi - 85, sondaı-aq jalǵan aqsha jasaýdyń 580 qylymysy tirkeldi»,-dep atap ótilgen komıtet málimetinde.
Kóleńkeli ekonomıkaǵa qarsy kúreste jalǵan kásipkerlikke qarsy is-qımyl sharalary erekshe oryn alyp otyr. Atap aıtqanda, «qolma-qol aqshany aınaldyrý fırmalary» arqyly qylmystyq kiristerdi jarııa etý júrgiziledi jáne qarajatty urlaý men salyq tóleýden jaltarý árketteri iske asyrylýda.
