Bıyl qoldanysqa beriletin jaldamaly turǵyn úıler sany úsh esege ulǵaıady-Aqmola oblysy

KÓKShETAÝ. QazAqparat-Aqmola oblysynda bıyl qoldanysqa beriletin jaldamaly turǵyn úıler sany úsh esege ulǵaıady. Bul týraly aımaq basshysy Málik Myrzalınniń tóraǵalyǵymen óńirde «Nurly jer» baǵdarlamasyn júzege asyrý barysy talqylanǵan məjiliste aıtyldy, dep habarlaıdy QazAqparat tilshisi əkimdiktiń baspasóz qyzmetine silteme jasap.

Aqmola oblystyq qurylys basqarmasy basshysynyń mindetin atqarýshy Manaphan Qanseıitovtiń sózinshe, 2018 jyly turǵyn úı men ınjenerlik ınfraqurylymnyń qurylysy úshin 7,7 mıllıard teńge qarjy bólý qarastyrylyp otyr.

Aǵymdaǵy jyly «Nurly jer» baǵdarlamasy sheńberinde «Halyqtyń áleýmettik jaǵynan osal toptaryna jaldamaly turǵyn úı qoryn qurý» baǵyty boıynsha Kókshetaý, Şýchınsk qalalary men Sandyqtaý, Tselınograd, Atbasar, Astrahan jəne Qorǵaljyn aýdandarynda 14 joba qarastyrylyp otyr.

Osylaısha, M.Qanseıitov atap ótkendeı bıyl óńirde qoldanysqa beriletin jaldamaly turǵyn úıler sany úsh esege ulǵaıady.

«Turǵyn úı qurylys jınaq júıesi arqyly jaldamaly turǵyn úı qurylysy» baǵyty boıynsha «Báıterek development» AQ qarajatyn tartý arqyly Kókshetaý qalasynda 12 jobanyń qurylysyn júrgizý kózdelgen. Onyń 4-in qoldanysqa berý josparda bar. Bul kórsetkish byltyrǵy jylmen salystyrǵanda 2 esege joǵary.

Aıta ketý kerek, qoljetimdi turǵyn úı qurylysyn salý boıynsha jobany júzege asyratyn óńirde «Esil əleýmettik-kásipkerlik korporatsııasy men «Aqmola Nurly jer» JShS quryldy.

Kəsiporyn basshysy Asqar Tólemisov «Aqmola Nurly jer» JShS jumysy qoljetimdi turǵyn úı qurylysyn júrgizý úshin bıýdjetten tys qarjy tartý bolyp sanalady. Osy arqyly qoljetimdi turǵyn úı qurylysy aldymen Tselınograd aýdanynda, keıin Býrabaı, Zerendi, Aqkól, Astrahan, Atbasar, Shortandy, Arshaly aýdandary jəne Stepnogor qalasynda qolǵa alynatyn bolady.

Osy rette, aımaq basshysy «Nurly jer» baǵdarlamasy sheńberinde óńirde turǵyn úı qurylysy jandanǵanyn atap ótti.

«Ótken jyly oblysta 426,3 myń sharshy metr baspana paıdalanýǵa berilip, aldyńǵy jyldyń tıisti kezeńimen salystyrǵanda 117 paıyzdy qurady. Onyń ishinde jekemenshik turǵyn úıdi qoldanysqa berý 1,6 esege artty. Bıylǵy jylǵy jospar bul baǵyttaǵy jumysty odan əri shıratýǵa múmkindik beredi», dedi M.Myrzalın.