Bıyl kóktemgi sý tasqynynan qaýip bar ma

ASTANA. QazAqparat –QR Ekologııa jáne tabıǵı resýrstar mınıstrligi sý resýrstary komıteti tóraǵasynyń mindetin atqarýshy Dosbol Bekmaǵambetov kóktemgi sý tasqynyna qatysty boljam jasady, dep habarlaıdy QazAqparat tilshisi.

«Kóktemgi sý tasqynyn boljaý, qaýiptiń aldyn alý boıynsha Qazgıdromettiń derekterine súıene otyryp sheshim qabyldanady. Jalpy atalǵan másele baqylaýda. Mınıstrdiń tapsyrmasyna sáıkes, sý tasqyny qaýpin aldyn alý sharalaryn jyldaǵydan bir aıǵa erte bastap kettik»,- dedi Dosbol Bekmaǵambetov «Qazgıdromet» mekemesinde ótken baspasóz máslıhatynda.

Brıfıng barysynda BAQ ókilderi kóktemgi sý tasqyny qaýpine qatysty naqty baǵa berýdi surady.

«Qudaı qalasa bári jaqsy bolady»,-dep qysqa qaıyrdy spıker.

Buǵan deıin habarlaǵanymyzdaı, elimizde kóktemgi sý tasqynyna daıyndyq sharalary bastalyp ketti.

Qaýiptiń aldyn alý maqsatynda kezekshilik kestesi bekitilip, sý sharýashylyǵy jaǵdaıyna turaqty monıtorıng júrgizilip jatyr.

Ekologııa mınıstrliginiń dereginshe, kóktemgi sý tasqyny qaýpi Qyzylorda, Mańǵystaý oblysynda tómen, Ulytaý jáne Pavlodar oblysynda ortasha.

Qalǵan barlyq óńir qyzyl aımaqta, ıaǵnı qaýip joǵary.