Bıyl kóktemde Qostanaı oblysynyń 95 aýylyn sý basýy múmkin
«Búginde oblystyń 95 eldi mekenine tasqyn jáne erigen qar sýy basyp ketý qaýpi tónip tur. Bul – 2 myńnan astam úı men 8 myńnan kóp adam. Sý basý qaýpi tónip turǵan 107 avtomobıl ýchaskesi esepke alyndy», - dep habarlady B.Kárimov.
Sý tasqyny maýsymyna daıyndyq aıasynda oblysta 2021-2023 jyldarǵa arnalǵan Jol kartasy ázirlendi, onda 6 is-sharany iske asyrý josparlanǵan.
Osylaısha, bıyldyń ózinde eki GTǴ-ny qaıta qurý jáne qalpyna keltirý, ózen arnalaryn tazartý, nóser kárizderin salý, aınalma jáne sý ótkizgish qubyrlardy ornalastyrý boıynsha jobalyq-smetalyq qujattama ázirleý kózdelgen.
Buǵan memlekettik bıýdjetten 17 mln teńgeden astam qarajat jumsaý josparlanyp otyr.
«Tótenshe rezervke jáne shuǵyl shyǵyndarǵa arnalǵan rezervke ákimdikter 814 mln.330 myń teńge saldy. Sý tasqyny jaǵdaıy kúrdelengen jaǵdaıda departamenttiń jalpy sany 173 adam, 60 tehnıka, 19 sý kóligi, 78 motopompa bar kúsh-quraldar toby quryldy»,- dep atap ótti B. Kárimov.
