Bıyl Kókshetaýda jylý 20-shy qyrkúıekte berilýi múmkin
KÓKShETAÝ. QazAqparat - Kókshetaý qalasynda synap baǵanasy kúrt tómendeıtin bolsa, shaharda jylý berý maýsymy 20-shy qyrkúıekte bastalýy múmkin. Bul týraly QazAqparat tilshisine «Kókshetaý jylý» kommýnaldyq kásipornynyń bas dırektory Sergeı Jýkov aıtty.
Kommýnaldyq kásiporyn basshysynyń aıtýynsha, qazirgi kezde oblys ortalyǵyn jylýmen qatamasyz etý baǵytynda kómir men mazýt jetkizý jumystary kestege saı júrgizilýde.
«Qazirgi kezde 20 myń tonna kómir qory bar. «Bogatyr kómir» jetkizip berýshilermen kelisimshart jasalyp, kómir kestege saı jetkizilýde. ıAǵnı, jylý berý maýsymy bastalǵan kezde eki aılyq otyn qory bolady. Mazýt qory da bar, qalǵanynyń aqshasy tólengen, jetkizilýin kútip otyrmyz. Barlyq jumystar kestege saı júrgizilýde. Jergilikti qazandyqtarda byltyrǵy jyldyń kómiri de bar», dep túsindirdi QazAqparat tilshisine Sergeı Jýkov.
Sonymen qatar, ol Kókshetaýdaǵy kóptegen páterlerdiń jylý berý maýsymyna 100 paıyz daıyn ekenin aıtty. Mektep, balabaqsha jáne aýrhanalar tárizdi áleýmettik nysandar bir aı buryn ázirlendi.
«Magıstraldy jeliler sýǵa toltyryldy RK-1, RK-2, Kókshetaý-2 jáne Krasnoıardaǵy qazandyqtardyń iske qosylýy kútilýde. Ruqsat bolsa, birden qosamyz. Shamamen synap baǵanasy kúrt tómendese 20-shy qyrkúıek nemese odan da erte jylý beriletin bolady.
Qazirgi kezde, jylý berý jumystary klımatologııanyń jańa erejesi boıynsha syrtqa aýa temperatýraǵa sáıkes júzege asyrylady. Jalpy, keste boıynsha qyrkúıektiń 28-i kúni jylý berý maýsymy bastalýy tıis. Eger de syrtqy temperatýra úsh táýlik boıy 8 gradýs bolsa, onda erte jylý beriledi», dep tolyqtyrdy S. Jýkov.
Kásiporyn basshysy bıylǵy jylý maýsymyna daıyndyq boıynsha, qazandyqtar men jylý jelelerin jóndeýge, otyn satyp alýǵa 1,5 mıllıard teńge qarjy bólindi. Onyń 500 mıllıon teńgesi jylý jelilerin jóndeýge jumsaldy.
