Bıyl Kókshetaýda kópqabatty úılerdegi 16 lıfti qalpyna keltiriletin bolady
KÓKShETAÝ. QazAqparat - Kókshetaýda kópqabatty úılerdiń lıftileri qalpyna keltirilýde, dep habarlady oblys ákiminiń baspasóz qyzmetinen.
Aımaq basshysy Sergeı Kýlagın atalǵan úılerde bolyp, lıftini jóndeý jumystarymen tanysty.
Gorkıı 23 mekenjaıy boıynsha ornalasqan turǵyn úıde bolǵan oblys ákimi jurtshylyqpen kezdesip, saýaldaryna jaýap berdi. Turǵyndar negizinen aımaq basshysyna jóndelgen lıftileri úshin alǵysyn bildirdi.
Jóndeý jumystaryn «Eńbek Kókshetaý» kommýnaldyq kásiporny qolǵa alyp, osy maqsatta 61 mıllıon teńge qarjy bólingen. Sonymen qatar, bul qarjyǵaAbaı kóshesiniń boıyndaǵy №133, №135 jáne №131 kópqabatty turǵyn úılerdiń lıftileri de jóndelmek.
Aıta ketý kerek, sońǵy úsh jyldyń ishinde oblys ortalyǵyndaǵy kópqabatty turǵyn úılerdiń lıftilerin jóndeý jumystary qarqyndy júrgizilýde. Bıylǵy jyldyń ózinde Kókshetaý qalasyndaǵy 4 úıdegi 16 lıftini qalpyna keltirý kózdelgen. Qazirgi kezde, 2 kóterý qondyrǵysy jóndeldi. Jyl sońyna deıin taǵy 14 qondyrǵy tapsyrylatyn bolady. .
Eske sala keteıik, aǵymdaǵy jyly Kókshetaý qalasyndaǵy lıfti sharýashylyǵyn jańǵyrtý úshin oblystyq bıýdjetten 115 mıllıon teńge qarjy bólingen.
