Bıyl Kókshetaýda 11 turǵyn úı aýlasy kúrdeli jóndeýden ótpek (FOTO)
KÓKShETAÝ. QazAqparat - Bıyl Kókshetaýda 11 turǵyn úı aýlasy kúrdeli jóndeýden ótpek. Bul týraly Aqmola oblysy ákiminiń baspasóz qyzmetinen habarlady.
Baspasóz qyzmetine keltirgendeı, qala ákimdiginiń málimeti boıynsha bıylǵy jyly Kókshetaýdaǵy Vasılkovka shaǵyn aýdanynda 11 turǵyn úı aýlasyn jóndeý úshin bıýdjetten 400 mıllıon teńge bólindi.
Búgin atalǵan aýlalardyń birinde bolǵan oblys ákimi Sergeý Kýlagın kúrdeli jóndeý jumystarymen tanysty.
Merdiger «Kókshetaý avtojol» JShS dırektory Vıtalıı Lıýlevıchtiń aıtýynsha, osy kúni №1, №1a jáne № 3 turǵyn úı aýlalarynda jóndeý jumystary aıaqtalǵan. Munda jaıaýlar joly, balalardyń oıyn alańy, demalatyn alańdar ornatyldy.
Sonymen qatar, jol shetinde shaǵyn sáýlet eskertkishteri men aǵash otyrǵyzý da josparlanǵan. «Aýlalardy jóndeý jumystary kezinde mindetti túrde turǵyndarmen aqyldasyp, pikirlerine qulaq túrý qajet. Turǵyndardyń oǵan quqysy bar. Adamdardyń aýlada ózderin jaıly sezinip, taza aýada demalýy úshin aǵashtardy kóptep otyrǵyzý qajet», deı kele oblys ákimi merdigerlerge jóndeý jumystaryn merziminde ári sapaly oryndaýdy tapsyrdy.
Sonymen qatar, aımaq basshysy Kaptsevıch kóshesiniń boıynda júrgizilip jatqan jóndeý jumystarymen de tanysty. Atalǵan kósheni jóndeý úshin 805,9 mıllıon teńge qarjy bólinip, qurylys jumystaryn qyrkúıek aıynda aıaqtaý josparlanǵan. Odan ári oblys ákimi Gorkııden Kenesary kósheleriniń aralyǵyndaǵy Áýezov kóshesiniń 579,7 sharshy metr aýmaǵy, Kenesary kóshesinen Krasnoıar selosy baǵytyndaǵy aýmaǵy 7,6 myń sharshy metr jol aralyǵyndaǵy jóndeý jumystaryna kóńil bóldi.
Buǵan qosa Áýezov kóshesinen Krasnoıar aýylyna baratyn joldy jóndeý jumystary aıaqtaldy. Qazirgi ýaqytta Naberejnaıa men J.Táshenov, J.Táshenov pen Gorkıı kósheleriniń aralyǵy jóndelýde. Jumys sońynda aımaq basshysy Kókshetaý qalasynda jaqynda ǵana qurylysy aıaqtalǵan 179 páterli kópqabatty «Kapıtal» turǵyn úı kesheninde de boldy. Atalǵan keshende parkıng jáne ózgede nysandar qarastyrylǵan. Keshenniń qurylysy 2014 jyly qolǵa alynyp, bıyl aıaqtalyp otyr.
