Bıyl keden organdarynyń qyzmeti tsıfrlandyrylady - Tımýr Qulybaev
«Memleket basshysynyń tsıfrlandyrý tapsyrmasy boıynsha jumystar eń aldymen memlekettik qyzmet sektorynda júrgizilýi tıis. Biz bul máselemen jumys istep jatyrmyz. Kásipkerlerge qatysty aıtar bolsam, biz bızneske arnalǵan úkimet qurý úshin Ulttyq ekononomıka, Aýyl sharýashylyǵy, Inestıtsııalar jáne damý mınıstrlikteri jelileri boıynsha kórsetiletin qyzmetterdi elektrondy formatqa kóshirý úshin jumys atqaryp jatyrmyz. Bul memlekettik sheneýniktermen ózara is-qımyldy úılestirý úshin jasalady», - dedi Tımýr Qulybaev Sybaılas jemqorlyqqa qarsy is-qımyl máseleleri jónindegi ekinshi respýblıkalyq kásipkerler forýmy barysynda.
Sonymen qatar ol dál osy baǵyttaǵy jumystar keden salasynda da júrgiziletindigin basa aıtty.
«Bul salada shaǵymdar men ótinishter óte kóp. Biz odan shyǵýdyń jolyn tsıfrlandyrýdan kórip otyrmyz. 2018 jyly keden organdarynyń qyzmetterin tsıfrlandyrý mindeti aldymyzda tur. Keden qyzmeti kórsetetin 17 qyzmet tsıfrlandyrylyp, atalǵan organ qyzmetindegi jemqorlyq birshama tómendeıtin bolady», - dedi ol.
Aıta keterligi, forým sońynda «Atameken» UKP tóralqasynyń tóraǵasy Tımýr Qulybaev pen QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev 2018 jylǵa arnalǵan taraptar arasyndaǵy yntymaqtastyq týraly kelisimdi iske asyrý jónindegi jol kartasyna qol qoıdy.
