Bıyl Qazyǵurt aýdanynyń turǵyndary kógildir otynǵa qol jetkizedi
TÚRKІSTAN. QazAqparat - Qazyǵurt aýdanyna jumys saparymen barǵan Túrkistan oblysynyń ákimi Janseıit Túımebaev aýdannyń tynys-tirshiligimen tanysyp, birqatar kásipkerlik jáne sharýa qojalyqtyń jumysyn aralap kórdi, dep habarlaıdy QazAqparat oblys ákiminiń baspasóz qyzmetine silteme jasap.
Eń aldymen óńir basshysy mal bordaqylaýmen jáne et ónimderin óndiretin «Qarqyn» - 2030 JShS-nyń jumysymen tanysty. 2009 jyly qurylǵan seriktestiktiń menshiginde 250 gektar jer bar. 800 bas mal bordaqylaýǵa shaqtalǵan nysanda búginde 400 bas iri qara baılanýda. Tsehta táýligine 5 tonna 12 túrli shujyq óndiriledi. Daıyn ónim elimizden bólek, Reseıge de jóneltilgen. Onda 35 adam turaqty jumyspen qamtylsa, 50 adam maýsymdyq jumyspen aınalysady. Ótken jyly seriktestik 2,95 mlrd mln teńgeniń ónimin óndirgen. Sonyń esebinen 167 mln. 218 myń teńge salyq túsken.
Seriktestiktiń jumysyna qanyqqan oblys ákimi osy jyldyń bes aıynda óńir boıynsha 90 myń tonnadan astam et óndirilgenin aıtyp, onyń ishinde 8 myń tonnaǵa jýyǵy Qazyǵurt aýdanyna tıesili ekenin jetkizdi. Bul mal sharýashylyǵyn damytýǵa qolaıly aımaq úshin az kórsetkish ekenin tilge tıek etip, osy baǵyttaǵy jumystardy damytýdy aýdan basshysyna tapsyrdy.
Budan bólek, aımaq basshysy Qyzylqııa aýyldyq okrýgindegi dándi-daqyl men jemis-jıdek óndirýmen aınalysatyn «Amangeldi» JShS-na bardy. Seriktestik búginde 2 322 gektar jerdi baptap, paıdaǵa asyryp otyr. Munda 250 adam turaqty jumyspen qamtylǵan. Qojalyq 2005 jyly arnaıy tuqym sharýashylyǵy mártebesine ıe bolǵan.
Sharýashylyqtyń jumysymen tanystyrǵan kásipker tamshylatyp sýarý ádisiniń arqasynda shyǵyn azaıyp, ónim kólemi artqanyn aıtady. Máselen, alma, shabdaly, shıe, alhory, órik, almurt, júzim ónimderinen 2017 jyly 14 mln teńge tabys tapqan.
Budan soń ákim «Ybraıym qajy» sharýa qojalyǵyna aıaldady. Mal azyǵyn daıarlaýmen aınalysatyn qojalyqtyń menshiginde 0,25 gektar jer bar. Munda táýligine 2 tonna kók balaýsa (gıdropon) óndiriledi.
Sapary sońynda BAQ ókilderine bergen suqbatynda oblys ákimi aýdanda egin jáne mal sharýashylyǵy damyǵanyn aıtyp, búginde aýdanda qarqyndy baý kólemi artyp kele jatqanyna jáne halyqqa qajetti kommýnaldyq máselelerde sheshim taýyp kele jatqanyna toqtaldy.
«Qazyǵurt aýdanynda jalpy qarqyndy baý kólemi 242 gektar bolsa, bıyldyń ózinde 80 gektar jerge egildi. Jylyjaılardyń ózi bir aýdanda 117 gektar, al bıyl 30 gektar qosylyp otyr. Al aýdandaǵy 28 myń gektar jerge egilgen bıdaı men arpanyń ortasha túsimdiligi gektaryna 23-25 tsentnerdi quraıdy dep kútilýde. Bul da aýdannyń qazirgi jaǵdaıynyń jaqsarǵandyǵyn ańǵartady. Budan bólek, aýdandaǵy 8 eldi mekende gazdandyrý jumystary júrgizilýde. ıAǵnı, qazyǵurttyq 1800 otbasy bıyl kógildir otynǵa qol jetkizbek. Gazdandyrýdy aldaǵy jyldary 95 paıyzǵa jetkizý josparlanýda. Ol úshin tıisti jumystar jasalýda. Sý máselesinde de Qazyǵurt aldyńǵy qatarda, jalpy aýyz sýmen qamtamasyz etý 88 paıyzdy quraıdy. Osy jyldyń ózinde 9 eldi mekendi taza aýyz sýmen qamtý jumystary qolǵa alyndy. Osyndaı halyqqa qajetti jol, sý, gaz máselelerdiń barlyǵy aýdanda tıisti deńgeıde sheshilip keledi», - dedi J.Túımebaev.
