Bıyl qajylyq erejesin buzǵandarǵa qoldanylatyn shara qatań!
ASTANA. 3 qyrkúıek. QazAqparat - Bıyl qajylyq maýsymy grıgorıan kúntizbesi boıynsha qazan aıynyń ekinshi aptasynda bastalady. Mekke qalasyndaǵy qasıetti meshittiń kúrdeli jóndeýden ótýine baılanysty ár elge bólinetin kvota jyldaǵydan azaıyp, soǵan oraı qajylyǵyn óteıtinderdiń qatary sıreıdi.
Buǵan qosa, uıymshyldyǵy tómen qajylarǵa qoldanylatyn shara da qatańdatylatyn boldy. Osyǵan oraı Mekke provıntsııasynyń gýbernatory, hanzada Haled ál-Feısal málimdeme jasady. Onyń málimdemesi boıynsha qajylyq erejesin buzǵandarǵa qatysty qoldanylatyn sharalardyń reti mynadaı:
- Arnaıy ruqsat qujaty joq sheteldik azamattar dereý eline qaıtarylady ári on jyl boıy koroldikke kelýine tyıym salynady;
- Zańsyz jolmen engen qajylardy tasymaldaǵan kólik ıesine ustalǵan jaǵdaıda aıyppul salynady ári olardyń kóligi tárkilenedi;
- Qajylyqty uıymdastyrǵan alaıaq kompanııalar tekseriledi ári olardyń kináli ekeni belgili bolǵan jaǵdaıda kompanııa jetekshisi bir jylǵa deıin bas bostandyǵynan aıyrylady. Sondaı-aq, olarǵa eshqandaı raqymshylyq bolmaıdy.
Muslim.kz saıtynyń jazýynsha, Saýd Arabııasynyń Qajylyq isteri jónindegi mınıstri Bandar Hajar óz kezeginde qajylardyń qaltasynan shyǵatyn qarjynyń qazynaǵa túspeıtinin, qajylarǵa qyzmet kórsetetin ulttyq kompanııalarǵa ketetinin jetkizdi. Qyzmet kórsetý aqysynyń kóterilmeýin baqylaýda ustaıtynyn da tilge tıek etti.
