Bıyl qajylarǵa arnaıy elektrondy bilezikter taǵatyn bolady
ASTANA. 6 qyrkúıek. QazAqparat - Saýd Arabııasynda qajylarǵa arnaıy jeke málimetti saqtap júretin elektrondy bilezikterdi oılap tapty. Bul elektrondy qurylǵy arqyly ár adamnyń jeke málimeti jazylyp saqtalady, dep 4-shi qyrkúıek kúni Ózbekistan din isteriniń komıteti habarlady.
Ýmra men qajylyqqa kelip-ketip jatqandardyń sany óte kóp. Elektrondyq júıeniń bolmaýy birshama jumystardy qıyndatýda. Muftyat.kz saıtynyń jazýynsha, sondyqtan, ár adam ózimen birge elektrondy qurylǵyny taǵyp júrgen kezde, onyń ishinde sol adam jaıly jeke málimet jazylyp saqtalady. Qajylyq kezindegi qaýipsizdik sharalaryn qoldaný maqsatynda, Mekkege kirer aldynda 7 elektrondy qaqpa turady. Osy qaqpanyń janynan ótken kezde ár adam jaıly málimet saqtalyp, kimniń qaı jerde turǵanyn birden bilýge bolady. Sonymen qatar, qajylardy tasymaldaıtyn avtobýstardyń ishinde elektrondy júıemen jumys isteıtin qondyrǵylar ornatylady dep kútilýde. «Jańadan oılastyrylǵan elektrondy quraldar bıylǵy 2013 jylǵy qajylyqta qoldanysqa beriledi. Bıylǵy Ýmraǵa 5.1 mln adam kelip ketti. Jalpylaı alǵanda, qajylyq saparǵa 5.3 mln adamǵa ruqsatnama qaǵazy berildi», - dep qajylyq mınıstrliginiń ókili Bandar Hadjar málimdedi.
