Bıyl Qazalyda «Álseıit» kópiriniń qurylysy aıaqtalady
QAZALY. QazAqparat - Bıyl Qazalyda «Álseıit» kópiriniń qurylysy aıaqtalady, dep habarlaıdy QazAqparat tilshisi.
Qazaly aýdanynyń ákimi Murat Ergeshbaevtyń aıtýynsha, Syrdarııa ózeniniń ústinen salynyp jatqan «Álseıit» kópiriniń qurylysy aıaqtalady.
«Kópir qurylysyna 2017-2018 jyldarǵa 1 mlrd 565 mln teńge bólinip, tıisti jumystar jasaldy. 2019 jylǵa kópir qurylysyna 1 mlrd 127 mln teńge qarjy berildi. Bıyl el bolyp kópten kútken kópirdiń ıgiligin kóremiz dep otyrmyz. Al, «Qarlan» ýchaskesine kópir salý oblys ákiminiń qoldaýymen SARATS-2 jobasyna engizildi. Ótken jyly oblystyq bıýdjetten 20 mln. teńge bólinip, kópirdiń tehnıkalyq ekonomıkalyq negizdemesi alyndy. Búgingi kúni joba-smetalyq qujattary ázirlenýde», - deıdi aýdan basshysy.
Onyń aıtýynsha, ótken jyly Qojabaqy-Bekarystan bı aralyǵyndaǵy «Aıaǵan» kópirin jóndeý jumystary bastaldy. Bıyl jumysty jalǵastyrýǵa 76 mln teńge qarjy qaralǵan.
