Bıyl Qazaqstannyń syrtqy saýda aınalymy 25 paıyzǵa artty

ASTANA. QazAqparat - QR Ulttyq ekonomıka mınıstrligi bıylǵy jyldaǵy saýda salysyndaǵy kórsetkishterdi jarııalady, dep habarlaıdy QazAqparat.

«2017 jylǵy qańtar-qazandaǵy «Saýda» salasy boıynsha naqty kólem ındeksi 103,2 paıyzdy qurady. 2017 jylǵy qańtar-qazanda bólshek saýda kólemi 7007,8 mlrd teńgeni nemese 2016 jylǵy tıisti kezeń deńgeıimen salystyrǵanda 106,3 paıyzǵa jetti. Dál osy jylǵy kezeń ishinde kóterme saýda kólemi 15288,4 mlrd  teńgeni nemese 2016 jylǵy tıisti kezeń deńgeıimen salystyrǵanda 101,7 paıyzdy qamtydy», - dep atap ótilgen mınıstrlik habarlamasynda.

Belgili bolǵandaı, 2017 jylǵy qańtar-qyrkúıekte syrtqy saýda aınalymy 55421,8 mln  AQSh dollaryn qurap, 2016 jylǵy qańtar-qyrkúıekpen salystyrǵanda 25,7 paıyzǵa joǵarlady. Onyń ishinde eksport - 34460,7 mln AQSh dollaryn (31,4 paıyzǵa ósti), ımport - 20961,1 mln  dollardy qurady (17,2 paıyzǵa artyq).