Bıyl Qazaqstannyń Dúnıejúzilik saýda uıymyna múshe bolý úderisi tolyq aıaqtalady - QR EDS vıtse-mınıstri
ALMATY. 13 shilde. QazAqparat - Dúnıejúzilik saýda uıymyna kirý úderisinde taýar men qyzmet naryǵyna qoljetimdilik boıynsha barlyq ekijaqty kelisimderdi aıaqtadyq.
QR Ekonomıkalyq damý jáne saýda vıtse-mınıstri Tımýr Jaqsylyqov búgin Almatyda ótip jatqan mınıstrlik janyndaǵy Ekonomıkalyq yqpaldastyq máseleleri boıynsha jedel shtabtyń alǵashqy otyrysynda osylaı málim etti.
«Qazaqstannyń Dúnıejúzilik saýda uıymyna múshe bolý úderisi bıyl tolyq aıaqtalady. Qazir júıelik jáne aýyl sharýashylyǵy máseleleri boıynsha kelissózder jalǵasýda. Sondaı-aq jumys tobynyń aqtyq baıandamasynyń nusqasy ázirlenýde», - dedi T. Jaqsylyqov.
Onyń aıtýynsha, qarashaǵa deıin bul kelissózder aıaqtalyp, jumys toby baıandamasynyń aqyrǵy nusqasy daıyn bolady dep josparlanýda.
«Bıznes DSU-ǵa kirýde bizdiń qabyldaǵan mindettememizge daıyn emes degen bos sóz. Mólsherleme boıynsha negizgi kelissózder 2003-2006 jyldary ótti. Onda biz bıznestiń ustanymyn belgilep, barlyq taýarlyq usynym boıynsha kásipkerler qaýymdastyqtarmen kelisken bolatynbyz»,-deıdi ol.
