Bıyl Qazaqstannyń batys jáne soltústik óńirleri tsement ımportynan tolyqtaı bas tartýy múmkin
ASTANA. 15 qańtar. QazAqparat - Mańǵystaý oblysyndaǵy «Kaspııtsement» AQ-y (qýattylyǵy jylyna 1 mln. tonna ónim) jáne Aqmola oblysynda «Kókshetsement» JShS-i (qýattylyǵy jylyna 2 mln. tonna) sekildi jańa óndiristerdi iske qosylýy ónim ımportynan tolyqtaı bas tartýǵa, eksport kólemin ulǵaıtýǵa jáne elimizdiń batys pen soltústigindegi baǵalardyń maýsymdyq kóterilý faktoryn azaıtýǵa múmkindik beredi.
«QR IJTM Ónerkásip komıtetiniń derekteri boıynsha, 2013 jyldyń 10 aıy qorytyndysy boıynsha Qazaqstan naryǵyndaǵy otandyq óndiristegi tsement úlesi 80 paıyzdan asyp ketti (6,2 mln.tonna óndirildi, 1,6 mln.tonna ımporttaldy)», - delingen QR IJTM Aqparat basqarmasynyń málimetinde. Osy ýaqytta tsementti óndirý boıynsha jalpy jobalaý qýattylyǵy jylyna 10,74 mln.tonna ónim shyǵara alatyn 10 zaýyt qyzmet etedi. Batys óńirinde «Kaspııtsement» JShS-i 2013 jyldyń sońynda qýattylyǵy jylyna 1 mln. tonna quraıtyn óndiristiń qosylýyn iske asyrdy. 2014 jyly Aqmola oblysynda qýattylyǵy jylyna 2 mln. tonna ónim shyǵara alatyn «Kókshetsement» JShS-iniń jańa zaýytyn iske qosý josparlanýda.
