Bıyl Qazaqstannyń astyq eksportynyń áleýeti 9,5 mln. tonnany quramaq

ASTANA. QazAqparat - 2014 jyly Qazaqstannyń astyq eksportynyń áleýeti 9,5 mln. tonnany quraýy múmkin. Bul týraly búgin Ortalyq kommýnıkatsııalar qyzmetindegi brıfıngte «Azyq-túlik kelisimshart korporatsııasy» UK» AQ kommertsııalyq dırektory - basqarýshy dırektory Nurbek Daıyrbekov málim etti.

«QR AShM esepteýlerine qaraǵanda, 2014 jyly astyqtyń eksporttyq áleýeti 9,5 mln. tonnany quraıdy. 20 sáýirdegi jaǵdaı boıynsha 2013-2014 jyldary Qazaqstan 7,3 mln. tonnaǵa jýyq bıdaıdy eksporttady. Bizdiń oıymyzsha, AShM atap ótken áleýetke qol jetkizedi», - dedi ol.

Osy oraıda ol ótken jyly Qazaqstanda 18,2 mln. tonna astyq jınalǵanyn, onyń 13,9 mln. tonnasy bıdaı ekenin eske salyp ótti.

«Bul óz kezeginde astyq eksporty úshin jaqsy jaǵdaıdy qalyptastyryp otyr», - dedi N.Daıyrbekov.

Onyń sózine qaraǵanda, búginde elimiz astyq eksporty boıynsha álemde jetinshi orynda. Sonymen qatar álemdik bıdaı naryǵynda bizdiń úlesimiz bes paıyzdy qamtyp otyr.