Bıyl Qazaqstannń birqatar óńirerinde sý deńgeıi kóterilýi múmkin - Úkimettegi keńes
ASTANA. 25 aqpan. QazAqparat - Bıylǵy jyly Qazaqstannyń birqatar óńirlerinde sý deńgeıi kóterilýi múmkin. Bul týraly búgin Úkimette ótip jatqan selektorlyq keńeste Tótenshe jaǵdaılar mınıstri Vladımır Bojko málim etti.
«Batys Qazaqstan oblysynda qar deńgeıi ótken jylǵa qaraǵanda úsh ese artyq, al Atyraý oblysynda eki jyldyq norma tústi»,- dedi mınıstr. Budan bólek, V.Bojko bıyl Syrdarııa, Arys, Jaıyq, Shaǵan, Qaratal, Lepsi, Tobyl ózenderinde sý deńgeıleri kóterilýi múmkin. Sonymen qatar ol bıylǵy qystaǵy tótenshe jaǵdaılarǵa toqtala kele, jyl basynan beri Almaty, Aqtóbe, Atyraý, Jambyl, Qaraǵandy, Qostanaı, Qyzylorda, Mańǵystaý, Pavlodar, Batys Qazaqstan jáne Ońtústik Qazaqstan oblystarynda qar qursaýynan 1655 adam qutqarylǵanyn atap ótti.
Mınıstrdiń sózine qaraǵanda, qorshaǵan ortany qorǵaý mınıstrliginiń málimetine qaraǵanda, elimizdiń Ońtústik óńirinde naýryzdyń alǵashqy onkúndiginde aýa temperatýrasy +10-16 gradýsqa deıin kóterilýi múmkin.
