Bıyl Qazaqstannan 3200 adam qajylyqqa barady
«Ramazan aıynan keıin 70 kúnnen soń keletin bes paryzdyń biri - úlken qajylyq sapary daıyn tur.Úlken qajylyq 11 tamyz - Qurban aıt kúni belgilenip otyr. Tamyz aıynyń 4-5-nen bastap Saýd Arabııasy memleketine elimizden 3200-ge jýyq adam qajylyq paryzyn óteý maqsatynda saparǵa attanady», - deıdi Qazaqstan Musylmandary dinı basqarmasy qajylyq bóliminiń meńgerýshisi Jándildá Bekjigitov Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, 2006 jyldan beri QMDB men Saýd Arabııasy memleketiniń qajylyq ister jónindegi mınıstrligimen aradaǵy kelisimsharttyń negizinde elimizden qajylyqqa baratyndar menıngokokqa qarsy vaktsınatsııadan ótip, ınfektsııa juqtyrmaý amaldaryn jasap barýǵa mindetteledi.
«Osyǵan oraı, bizdiń Densaýlyq saqtaý mınıstrligimen birlese otyryp, 15 mamyrdan bastap qajylyqqa barýshylar úshin elimizdiń 8 qalasyndaǵy 14 medıtsınalyq uıymynda menıngokokqa qarsy ekpe jumystary bastalady. Sondaı-aq, ekpeniń negizgi maqsaty - Afrıkadan keletin musylmandardyń arasyndaǵy menıngokokk ınfektsııasynyń kóp taralýyna oraı ekpeni jasatý mindetti bolyp tabylady», - deıdi Jándildá Bekjigitov.
Aıta ketsek, búgin Islam álemi úshin qasıetti, berekege toly, on eki aıdyń sultany sanalatyn Ramazan aıy bastaldy. Oraza 6 mamyrdan 5 maýsymǵa deıin jalǵasady.
Bıylǵy Ramazan aıynda beriletin pitir-sadaqanyń kólemi buǵan deıin de habarlanǵan bolatyn.
