Bıyl Qazaqstannan 23 álem chempıony shyqty - Temirhan Dosmuhambetov
strong> Tamyzdyń 20-sy. QazAqparat /Erbol Turymbetov/ - Bıylǵy jyly sport salasynda 23 álem chempıony shyǵyp, tarıhymyzdaǵy úzdik nátıjege qol jetkizdik. Bul týraly búgin QR Týrızm jáne sport mınıstri Temirhan Dosmuhambetov Almatyda jýrnalısterge bergen suhbatynda aıtty,
dep habarlaıdy QazAqparat.
Onyń ishinde 8-i Olımpıadalyq jarystardyń jeńimpazdary. Buǵan deıingi ýaqytta bizde jyl saıyn ary ketkende 3-4 álem chempıony shyǵatyn edi.
«Elimiz qazir EQYU-na basshylyq etip otyrǵan kezeńde bizdiń sportshylar da halyqaralyq jarystarda ózderin jaqsy qyrlarynan kórsete bilýi kerek. Bul rette Elbasymyzdyń ózi aıtqandaı, buqaralyq sportty 16-dan 30 %-ǵa deıin kóterý úlken mańyzǵa ıe bolyp otyr», dedi mınıstr.
Onyń aıtýynsha, sońǵy ýaqyttary halyqtyń sportpen shuǵyldaný kórsetkishteri de aıtarlyqtaı jaqsaryp keledi. Jaqynda ótken Sport kúni merekesinde 6 jarym myńnan astam merekelik sharalar uıymdastyrylǵan.
