Bıyl Qazaqstanǵa shet elden asyl tuqymdy 12 myń iri qara ákelinedi - "QazAgro"
ASTANA. 31 qańtar. QazAqparat /Qanat Mámetqazyuly/ - 2012 jyly 12 myń bas asyl tuqymdy iri qara maldy shetelden ákelý josparlanyp otyr.
Búgin Aýyl sharýashylyǵy mınıstrliginde ótken brıfıng barysynda «QazAgro» ulttyq basqarýshy holdıngi» AQ Investıtsııalyq jobalar departamentiniń dırektory Narmuhan Sarybaev osylaı málim etti.
Holdıng dırektorynyń aıtýynsha, byltyrǵy jylǵy jospar boıynsha shetelden 10 myń bas asyl tuqymdy mal ákelý kózdelgen bolatyn. «2011 jyldyń naqty nátıjesi boıynsha byltyr syrttan 13 myń 488 bas asyl tuqymdy iri qara ákelindi. Onyń ishinde 3 myń 636 bas iri qarany sharýa qojalyqtary óz qarajattaryna satyp aldy. 9 myń 855 bas nesıe esebinen ákelindi», - dedi N. Sarybaev.
Onyń sózine qaraǵanda, aǵymdaǵy jyly elimizge 12 myń bas iri qara maldy ımporttaý josparlanyp otyr. Qazirgi tańda 15,7 myń bas iri qarany ımporttaý úshin nesıe ótinimderi qarastyrylýda. «Onyń ishinde 5,5 myń bas asyl tuqymdy malǵa ótinimder maquldandy, qarjylandyrý júrip jatyr», - deıdi N. Sarybaev.
