Bıyl Qazaqstanǵa 960 myńǵa jýyq sheteldik keldi
ASTANA. 19 qarasha. QazAqparat - Bıyl Qazaqstanǵa 960 myńǵa taıaý sheteldik keldi. Búgin Parlament Májilisinde ótken Úkimet saǵatynda baıandama jasaǵan Іshki ister mınıstri Qalmuhanbet Qasymov osylaı málim etti.
«Al kóshi-qon zańnamasyn buzǵandyǵy úshin ákimshilik jaýapkershilikke 8 myń 700 sheteldik tartyldy. Onyń ishinde 2,5 myńy el aýmaǵynan shyǵaryldy. Budan bólek, zańsyz kóshi-qondy uıymdastyrý faktisine oraı jyl basynan beri 23 qylmystyq is qozǵaldy. 1,5 myńǵa tarta sheteldik jumys kúshin zańsyz tartý faktileri anyqtaldy», - deıdi Qalmuhanbet Qasymov.
Sonymen qatar, vedomstvo basshysy búgingi tańda jeke tulǵalarda jumys isteıtin mıgranttar úshin Reseı tájirıbesine negizdelgen «eńbekshi patenti» júıesin engizý qarastyrylyp jatqanyn jetkizdi.
