Bıyl qazaqstandyq túlekterdiń 80 paıyzy Ulttyq biryńǵaı test synaǵyn tapsyrady
ASTANA. Mamyrdyń 4-i. QazAqpart /Gúlnár Jandaǵulova/ - Qazaqstanda 2010 jyly Ulttyq biryńǵaı test tapsyrýǵa bergen ótinishterine sáıkes 138 012 mektep bitirýshiniń 110 000 myńnan astamy, ıaǵnı 80 paıyzy synaq tapsyrady. Testileý 49 qala men 105 aýdan ortalyqtarynda qurylǵan 154 testileý qosyndarynda maýsymnyń 4-i men 10-y aralyǵynda ótkiziledi.
Ulttyq biryńǵaı test 5 pán boıynsha: oqytý tili (qazaq nemese orys), Qazaqstan tarıhy, matematıka, tańdaýy boıynsha pán, sondaı-aq orys tilinde oqytatyn mektepterdegi - qazaq tili, qazaq tilinde oqytatyn mektepterdegi - orys tili pánderi boıynsha ótkiziledi.
Árbir pán boıynsha test tapsyrmalarynyń sany - 25 suraqty quraıdy; bes pán boıynsha - 125; testileý ýaqyty - 210 mınýt, ıaǵnı 3,5 saǵat.
Bıylǵy jylǵy mektep bitirýshiler úshin memlekettik grant konkýrsyna qatysý jáne respýblıkamyzdyń joǵary oqý oryndaryna aqyly negizde oqýǵa túsý úshin shekti deńgeı 50 balǵa deıin (medıtsınalyq mamandyqtar úshin - 55 balǵa deıin) kóterildi.
UBT-nyń balyn attestattyń baǵasyna aýystyrý shkalasy ózgerdi. Eger mektep bitirýshi 0-3 ball jınasa «qanaǵattanarlyqsyz» baǵasy qoıylady, al 4 ball jáne odan joǵary ball jınasa - oń baǵa bolyp tabylady.
«Memlekettik qupııalar týraly» Qazaqstan Respýblıkasynyń Zańyna sáıkes durys jaýaptar kody memlekettik qupııalar qataryna jatqyzylǵan.
Bir lektegi testilenýshiler sany 800 adamǵa deıin azaıtyldy. Eger de tehnıka isten shyqqan jaǵdaıda jergilikti jerlerde olardy almastyratyn bolady. Árbir oblys ortalyqtarynda rezervter qarastyrylady.
Test tapsyrmalaryn baǵalaý kezinde biryńǵaı talaptardy saqtaý jáne daýly máselelerdi sheshý, UBT-ǵa qatysýshylardyń quqyqtaryn qorǵaý maqsatynda testileýdi ótkizý kezeńinde apellıatsııalardy qaraý jónindegi respýblıkalyq komıssııa (budan ári - respýblıkalyq apellıatsııalyq komıssııa) jáne árbir UBT-ny ótkizý pýnktinde apellıatsııalyq komıssııa qurylady.
Respýblıkalyq apellıatsııalyq komıssııa apellıatsııalyq komıssııanyń bitirýshige baldar qosý týraly usynystarynyń negizdemesin qaraıdy jáne sońǵy sheshim qabyldaıdy.
